Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ Nizami Rayon Komitəsindən ittifaq üzvlərinə xoş istirahət imkanı

Elm və Təhsil İşçiləri Həmkarlar İttifaqı Nizami Rayon Komitəsi tərəfindən ittifaq üzvlərinin asudə vaxtının səmərəli təşkili, onların istirahətinin mənalı və faydalı keçirilməsi, sosial rifahının yüksəldilməsi, həmçinin kollektiv üzvləri arasında qarşılıqlı ünsiyyət və həmrəyliyin gücləndirilməsi məqsədilə 29–30 avqust 2026-cı il tarixlərində Maricel Garden istirahət mərkəzinə iki günlük tur təşkil edilmişdir.

Turda Nizami Rayon Komitəsinin üzv təşkilatlarını təmsil edən ittifaq üzvləri iştirak etmişlər. İştirakçılar üçün təşkil olunan səfər gündəlik iş fəaliyyətindən uzaqlaşaraq dincəlmək, asudə vaxtlarını mənalı və səmərəli keçirmək, eyni zamanda həmkarları ilə xoş ünsiyyət qurmaq baxımından xüsusi əhəmiyyət kəsb etmişdir.

Tur iştirakçıları istirahət mərkəzində yaradılmış şəraitdən faydalanmış, müxtəlif istirahət və əyləncə proqramlarında iştirak etmiş, maraqlı və yaddaqalan anlar yaşamışlar. Səfər müddətində ittifaq üzvləri arasında səmimi ünsiyyət və xoş münasibət mühiti formalaşmış, qarşılıqlı tanışlıq, dostluq və həmrəylik əlaqələri daha da möhkəmlənmişdir.

İttifaq üzvləri təşkil olunan turdan böyük məmnunluq ifadə etmiş, onların asudə vaxtının səmərəli və mənalı təşkili istiqamətində göstərilən diqqət və qayğını yüksək qiymətləndirmişlər. İştirakçılar iki gün ərzində həm istirahət etmək, həm də iş yoldaşları ilə birgə xoş və yaddaqalan vaxt keçirmək imkanının yaradılmasından razılıqlarını bildiriblər.

Müasir dövrdə əmək fəaliyyəti ilə yanaşı, işçilərin sosial rifahının yüksəldilməsi, sağlam və mənalı istirahətinin təşkili həmkarlar ittifaqlarının fəaliyyətinin mühüm istiqamətlərindən biridir. Bu baxımdan Elm və Təhsil İşçiləri Həmkarlar İttifaqı Nizami Rayon Komitəsi ittifaq üzvlərinin sosial-mədəni həyatının zənginləşdirilməsi, onların istirahət imkanlarının genişləndirilməsi və asudə vaxtlarının səmərəli təşkili istiqamətində mütəmadi olaraq müxtəlif tədbirlər, gəzintilər və istirahət proqramları həyata keçirir. ETİHİ Nizami Rayon Komitəsi bundan sonra da ittifaq üzvlərinin sosial müdafiəsinin gücləndirilməsi, onların asudə vaxtının səmərəli təşkili, istirahət imkanlarının genişləndirilməsi və sosial-mədəni fəaliyyətlərinin dəstəklənməsi istiqamətində fəaliyyətini davam etdirəcəkdir.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Bakı şəhəri Rayon Komitələrinin ilk təşkilat sədrləri üçün təlim keçirilib

Bakı şəhəri Rayon Komitələrinin ilk təşkilat sədrləri üçün “Qanunvericilik və etik davranış qaydaları” mövzusunda təlim təşkil olunub.

Təlimdə həmkarlar ittifaqı fəaliyyətinin səmərəli təşkili, ilk təşkilat sədrlərinin iş prosesində qanunvericilik tələblərinə və etik davranış qaydalarına riayət etməsi, eləcə də üzvlərlə düzgün və effektiv ünsiyyət qurulması istiqamətində mühüm məlumatlar təqdim edilib.

Ümumilikdə 3 saat davam edən təlim iki hissədən ibarət olub:

Birinci hissə – “Həmkarlar ittifaqı işinin təşkili”

Bu bölmədə ilk təşkilat sədrlərinin fəaliyyətinin düzgün qurulması, həmkarlar ittifaqı işinin təşkili və əsas fəaliyyət istiqamətləri barədə məlumat verilib.

İkinci hissə – “Effektiv ünsiyyət bacarıqları”

Təlimin bu hissəsində effektiv ünsiyyətin əsas prinsipləri, düzgün kommunikasiya, qarşılıqlı anlaşmanın formalaşdırılması və ünsiyyət bacarıqlarının inkişaf etdirilməsi ilə bağlı praktiki yanaşmalar müzakirə olunub.

Təlim hissələri arasında iştirakçılar üçün coffee break təşkil olunub.

Təlimdə ETİHİ Nizami Rayon Komitəsinin ilk təşkilat sədrləri də fəal iştirak ediblər.

Tədbirin keçirilməsində əsas məqsəd ilk təşkilat sədrlərinin peşəkar bilik və bacarıqlarının artırılması, həmkarlar ittifaqı fəaliyyətinin daha səmərəli təşkili, qanunvericilik və etik davranış qaydaları ilə bağlı məlumatlılığın gücləndirilməsi, eləcə də effektiv ünsiyyət bacarıqlarının inkişaf etdirilməsidir.

Yollayışların verilməsi qaydaları izah olunub

ETİHİ Nizami Rayon Komitəsinin sədri Sübut Əsədov tərəfindən Komitəyə müraciət edən 3 nömrəli xüsusi təhsil məktəbinin müəllimi ilə görüş keçirilib.

Müraciət zamanı müəllimə Təhsil İstirahət Mərkəzinə yollayışların verilməsi qaydaları və prinsipləri barədə ətraflı məlumat verilib. Sübut Əsədov yollayışların verilməsi prosesinin mövcud qanunvericiliyin tələblərinə uyğun həyata keçirildiyini diqqətə çatdırıb, yollayış əldə etmək üçün müəyyən edilmiş müraciət proseduru və tələb olunan sənədlər barədə izahat verib.

Həmçinin vətəndaşın yollayış əldə edə bilməməsi ilə bağlı sualları cavablandırılıb və yollayışların bölgüsü zamanı tətbiq olunan prinsiplər və mövcud qaydalar izah edilib.

ETİHİ Nizami Rayon Komitəsi həmkarlar ittifaqı üzvlərinin müraciətlərinin dinlənilməsinə, onların hüquq və mənafelərinin qorunmasına və müraciətlərlə bağlı zəruri məlumatlandırmanın aparılmasına xüsusi diqqət yetirir.

ETİHİ Nizami Rayon Komitəsinin sədri Təhsil İstirahət Mərkəzində üzvlərin istirahəti ilə maraqlanıb

Elm və Təhsil İşçiləri Həmkarlar İttifaqı (ETİHİ) Nizami Rayon Komitəsinin sədri Sübut Əsədov Azərbaycan Təhsil İşçiləri Azad Həmkarlar İttifaqının Təhsil İstirahət Mərkəzinə baş çəkərək istirahətdə olan həmkarlar ittifaqı üzvləri ilə görüşüb.

Səfər çərçivəsində Sübut Əsədov üzvlərin istirahət şəraiti ilə yaxından maraqlanıb, onların asudə vaxtlarının səmərəli təşkili üçün yaradılmış imkanlarla tanış olub. Görüş zamanı istirahət edən üzvlərlə səmimi söhbət aparılıb, onların fikir və təklifləri dinlənilib, mərkəzdə yaradılmış şərait yüksək qiymətləndirilib.

Tədbirdə Azərbaycan Respublikasının Milli Məclisinin deputatı Elman Nəsirov, Azərbaycan Dövlət Pedaqoji Universitetinin Quba filialının direktoru Yusif Alıyev, filialın şöbə müdiri Yusif Abayev də iştirak ediblər. Qonaqlar istirahət mərkəzində yaradılmış şəraitlə tanış olaraq burada istirahət edən həmkarlar ittifaqı üzvləri ilə görüşüb, onlara xoş istirahət arzularını çatdırıblar.

ETİHİ Nizami Rayon Komitəsinin dəstəyi ilə növbəti unudulmaz istirahət proqramı

İHİ Nizami Rayon Komitəsinin dəstəyi ilə üzv təşkilatlardan olan 251 nömrəli tam orta məktəbin müəllim və əməkdaşları üçün Qusar rayonuna birgünlük istirahət səfəri təşkil edilib.

Üzv təşkilatların asudə vaxtının səmərəli təşkili, müəllim və əməkdaşların sosial rifahının yüksəldilməsi, kollektivlər arasında həmrəyliyin möhkəmləndirilməsi və sağlam ünsiyyət mühitinin inkişaf etdirilməsi məqsədilə təşkil olunan səfər iştirakçılar tərəfindən böyük məmnunluqla qarşılanıb.

Qusarın zəngin təbiəti, mənzərəli guşələri və təmiz dağ havası iştirakçılara gündəlik iş qayğılarından uzaqlaşaraq mənalı istirahət etmək imkanı yaradıb. Səfər çərçivəsində kollektiv üzvləri xoş və səmimi vaxt keçirərək həmkarları ilə ünsiyyətlərini daha da möhkəmləndirib, unudulmaz təəssüratlar qazanıblar.

251 nömrəli tam orta məktəbin kollektivi göstərilən diqqət və qayğıya görə ETİHİ Nizami Rayon Komitəsinin sədri Sübut Əsədova və komitənin kollektivinə səmimi minnətdarlıqlarını ifadə edib. Qeyd olunub ki, bu cür sosial layihələr müəllimlərin motivasiyasının artırılmasına, asudə vaxtlarının səmərəli təşkilinə və kollektiv ruhunun güclənməsinə mühüm töhfə verir.

ETİHİ Nizami Rayon Komitəsi üzv təşkilatların sosial müdafiəsinin gücləndirilməsi, asudə vaxtlarının səmərəli təşkili və həmkarlar arasında birlik və həmrəyliyin inkişaf etdirilməsi istiqamətində fəaliyyətini bundan sonra da davam etdirəcək.

Heydər Əliyevin anadan olmasının 103-cü ildönümünə həsr olunmuş yarışların qalibləri mükafatlandırıldı

Ümummilli lider Heydər Əliyevin anadan olmasının 103-cü ildönümü münasibətilə keçirilən idman yarışlarında basketbol üzrə I yerə layiq görülmüş ETİHİ Nizami Rayon Komitəsinin qadınlardan ibarət komandası mükafatlandırılmışdır.

Tədbirdə ETİHİ Nizami Rayon Komitəsinin sədri Sübut Əsədov komanda üzvlərini qazandıqları uğur münasibətilə təbrik edərək, onların əldə etdikləri nailiyyətin təhsil işçiləri arasında idmanın inkişafına, sağlam həyat tərzinin təbliğinə və kollektiv həmrəyliyinin möhkəmləndirilməsinə mühüm töhfə verdiyini qeyd etmişdir.

Sonda yarışın qaliblərinə kuboklar təqdim olunmuş, onlara gələcək yarışlarda yeni uğurlar arzulanmışdır. ETİHİ Nizami Rayon Komitəsi bundan sonra da təhsil işçilərinin idman sahəsində fəallığının artırılması və onların asudə vaxtının səmərəli təşkili istiqamətində tədbirlərin davam etdirilməsini diqqətdə saxlayacağını vurğulamışdır.

Birgə istirahət, xoş xatirələr və həmrəylik.

ETİHİ Nizami Rayon Komitəsinin dəstəyi ilə üzv təşkilatlardan olan 129 nömrəli tam orta məktəbin müəllim və əməkdaşları üçün növbəti istirahət-gəzinti proqramı təşkil edilib.

Üzv təşkilatların asudə vaxtının səmərəli təşkili, kollektivlər arasında həmrəyliyin, qarşılıqlı ünsiyyətin və əməkdaşlıq münasibətlərinin daha da möhkəmləndirilməsi məqsədilə keçirilən bu cür tədbirlər iştirakçılar tərəfindən böyük məmnunluqla qarşılanır.

Səmimi və xoş ab-havada keçən gəzinti zamanı iştirakçılar gündəlik iş qayğılarından uzaqlaşaraq mənalı istirahət edib, birgə vaxt keçirmək və xoş təəssüratlar qazanmaq imkanı əldə ediblər. Tədbir kollektiv üzvləri arasında dostluq münasibətlərinin və komanda ruhunun daha da güclənməsinə, eyni zamanda sağlam və pozitiv iş mühitinin formalaşmasına öz töhfəsini verib.

ETİHİ Nizami Rayon Komitəsi bundan sonra da üzv təşkilatların sosial rifahının yüksəldilməsi, asudə vaxtının səmərəli təşkili və kollektivlərin birliyinin möhkəmləndirilməsi istiqamətində bu cür layihələrin həyata keçirilməsini davam etdirəcək.

Texnika və Texnologiyalar üzrə Bakı Dövlət Peşə Təhsil Mərkəzində məzun günü keçirilib.

Peşə Təhsili üzrə Dövlət Agentliyinin direktoru İlqar Bayramlı, Texnika və Texnologiyalar üzrə Bakı Dövlət Peşə Təhsil Mərkəzinin direktor əvəzi Səbinə Hacıyeva, Elm və Təhsil İşçiləri Həmkarlar İttifaqı Nizami Rayon Komitəsinin sədri Sübut Əsədov, Nizami Rayon İcra Hakimiyyətinin məsul nümayəndəsi Bəhmən Hüseynov və digər qonaqlar Məzun Günündə iştirak ediblər.

✨ Məzunlarımızı təbrik edir, onlara peşəkar fəaliyyətlərində uğurlar arzulayırıq!

ETİHİ Nizami Rayon Komitəsinin dəstəyi ilə 214 nömrəli tam orta məktəbin kollektivi üçün Quba–Qusar istiqamətində birgünlük istirahət-gəzinti proqramı təşkil olunub.

Asudə vaxtın səmərəli təşkili və həmkarlar arasında ünsiyyətin daha da gücləndirilməsi məqsədilə keçirilən səfər iştirakçılar üçün xoş təəssüratlarla yadda qalıb.

Quba və Qusarın füsunkar təbiəti, saf dağ havası və gözoxşayan mənzərələri fonunda müəllim və əməkdaşlar həm istirahət edib, həm də gündəlik iş tempindən uzaqlaşaraq mənəvi rahatlıq əldə ediblər. Səfər ərzində keçirilən səmimi söhbətlər, birgə gəzintilər və xoş anlar kollektivdə həmrəylik və qarşılıqlı etimadın daha da möhkəmlənməsinə xidmət edib.

ETİHİ Nizami Rayon Komitəsi əməkdaşların sosial rifahının yaxşılaşdırılması, onların asudə vaxtının səmərəli təşkili və sağlam istirahətinin təmin olunmasını daim diqqətdə saxlayır. Bu istiqamətdə həyata keçirilən tədbirlər kollektivlərin motivasiyasının artırılmasına və daha məhsuldar fəaliyyət göstərməsinə mühüm töhfə verir.

İnanırıq ki, bu cür istirahət proqramları həmkarlarımızın yaddaşında xoş xatirə kimi qalacaq və onlara yeni iş dövrünə yüksək əhval-ruhiyyə və enerji ilə başlamaq üçün əlavə stimul verəcək.

ETİHİ Nizami Rayon Komitəsi olaraq bütün həmkarlarımıza möhkəm cansağlığı, xoş ovqat və fəaliyyətlərində davamlı uğurlar arzulayırıq.

Həmkarlarımızın asudə vaxtının səmərəli təşkili istiqamətində növbəti addım

ETİHİ Nizami Rayon Komitəsinin təşkilatçılığı ilə üzv təşkilatlarımızdan olan Zəngi liseyinin və Kimya-biologiya təmayüllü məktəbin kollektivləri üçün növbəti unudulmaz istirahət proqramları təşkil olunub.

Müəllim və əməkdaşlarımız təbiətin gözəl guşələrindən olan Astara və İsmayıllı rayonlarına səfər edərək gündəlik iş qayğılarından uzaqlaşıb, səmimi ünsiyyət, xoş anlar və yüksək əhval-ruhiyyə ilə dolu istirahət günü keçiriblər.

Təşkil olunan səfərlər kollektivlərdə həmrəyliyin və birlik ruhunun daha da möhkəmlənməsinə, həmkarlar arasında dostluq və qarşılıqlı dəstək münasibətlərinin inkişafına mühüm töhfə verib.

Belə tədbirlər əməkdaşların sosial rifahının yüksəldilməsi, onların motivasiyasının artırılması və yeni iş dövrünə daha yüksək enerji və ruh yüksəkliyi ilə başlamaları baxımından xüsusi əhəmiyyət daşıyır.

ETİHİ Nizami Rayon Komitəsi olaraq bütün həmkarlarımıza xoş istirahət, möhkəm cansağlığı və fəaliyyətlərində yeni uğurlar arzulayırıq!